ယိူင်းဢၢၼ်းသုင်သုတ်းပဵၼ်သင် (ႁဵတ်းယဝ်ႉၵႂႃႇတဵမ်ထူၼ်ႈယဝ်ႉမွၵ်ႈႁိုဝ်)

တွၼ်ႈတႃႇႁဵတ်းသင်တႄႉတႄႉ

  1. တွၼ်ႈတႃႇႁဵတ်းသင် (တေႁဵတ်းႁိုဝ်ႁဵတ်း)
  2. တွၼ်ႈတႃႇႁဵတ်းသင် (တေႁဵတ်းႁိုဝ်ႁဵတ်း)
  3. တွၼ်ႈတႃႇႁဵတ်းသင် (တေႁဵတ်းႁိုဝ်ႁဵတ်း)

ဢမ်ႇႁၼ်တႅမ်ႈဝႆႉတီႈၵႃႈလႂ်၊ ၽႂ်ႇလႂ်ႁူႉၽွင်ႈ (ၵွပ်ႈဢမ်ႇႁူႉလႄႈၸွင်ႇတႅမ်ႈ)

သင်တွပ်ႇဝႃႈ ၵေႃလိၵ်ႈလၢႆးလႄႈၾိင်ႈငႄႈတႆး ႁဵတ်းပၢင်သွၼ်လိၵ်ႈတႆးၶၢဝ်းမႆႈဢိူဝ်ႈၼႆ ၶၢဝ်းမႆႈၼႂ်းၶၢဝ်းတၢင်း Covid-19 ပီ 2020 ၼႆႉလူး ႁဵတ်းပၢင်သွၼ်ႈလႆႈလၢႆတီႈ? (ဢမ်ႇမီးသေတီႈ သေပၢင်)

ပပ်ႉႁဵၼ်းလိၵ်ႈတႆးၸဵဝ်းမေႃဝႆး(သီၶဵဝ်) ၼၼ်ႉလူး မၼ်းတိုၵ်ႉၶိုတ်းၵပ်ႈပၢၼ်ယူႇႁႃႉ? ဢမ်ႇလူဝ်မူၼ်ႉမႄးႁႂ်ႈမၼ်းၶိုတ်းၵၢပ်ႈပၢၼ်ယဝ်ႉႁႃႉ?

ပၢၼ်တေႃႈလဵဝ် ပပ်ႉႁဵၼ်းပေႃးဢမ်ႇမီးသီႁၢင်ႈလီ လုၵ်ႈဢွၼ်ႇၸွင်ႇတိုၵ်ႉတေ ၶႂ်ႈယိပ်းလူယူႇၼႄႇ? (ၵွပ်ႈပိူဝ်ႈၼႂ်း Phone လုၵ်ႈဢွၼ်ႇၶဝ် သီလႅင်ၶဵဝ်သွမ်ႇ မၼ်းၼမ်လိူဝ် သီပပ်ႉႁဵၼ်းလိၵ်ႈတႆးယဝ်ႉလူး)

ၼႂ်းမိူင်းတႆး လုၵ်ႈဢွၼ်ႇတႆးႁဝ်းမီးၼမ်တၢၼ်ႇၼႆႉ မေႃႈတႅမ်ႈဢၢၼ်ႇလူ လိၵ်ႈတႆးၵၼ် မီးၵႃႈႁိုဝ်ယဝ်ႉ? ပေႃးႁူဝ်ၵူၼ်း 100 ၼႆ 95​ ၵေႃႉၼႆႉ မေႃတႅမ်ႈဢၢၼ်ႇလူယဝ်ႉႁႃႉ?

ၵူၼ်းလူင်ၼႂ်းၵေႃၶဝ် တေတွပ်ႇဝႃႈ ႁဝ်းၶႃႈပၼ်ႁႅင်းတိုၵ်းသူၼ်း (encourage) ႁႂ်ႈလုၵ်ႈဢွၼ်ႇႁဝ်းၶဝ် ႁဵၼ်းလိၵ်ႈတႆးႁဝ်းယူႇၼႆ — လၢႆၵေႃႈၵေႃႈလၢတ်ႈဝႃႈၼႆ ၵႆႉယၢမ်ႈယိၼ်းယူႇ၊ ၵူၺ်းၵႃႈ ပၼ်ႁႅင်းတိုၵ်းသူၼ်းလုၵ်ႈဢွၼ်ႇ သူပ်းပဝ်ႇမိုဝ်းလၢႆ ၼႆႉ လုၵ်ႈဢွၼ်ႈၶဝ်ဢမ်ႇပွင်ႇၸႂ် မိူၼ်ၵူၼ်းလူင်ၶဝ်။

ပၼ်ႁႅင်းတိုၵ်းသူၼ်း (encourage) — တေႃႇလုၵ်ႈဢွၼ်ႇဢၼ်ဝႃႈၼႆႉ သူပ်းလၢတ်ႈ မိုဝ်းထိုင်ႇၸွင်ႇႁွင်ႉဝႃႈပၼ်ႁႅင်း။ ႁူဝ်ပဝ်ႈၵေႃႈလိၵ်ႈလၢႆးၵူႈတီႈ ၸွင်ႇယၢမ်ႈဢဝ်ပပ်ႉတႅမ်ႈ၊ ၵမ်ႈတႅမ်ႈလႄႈ ယၢင်မွတ်ႇၸိူဝ်းၼႆႉ ၵႂႃႇပၼ်ႁႅင်းလုၵ်ႈဢွၼ်ႇႁႃႉ? (ၵေႃႈလိၵ်ႈလၢႆးဢမ်ႇမီး ငိုၼ်းတွၼ်ႈတႃႇမဵဝ်းၸိူဝ်းၼႆႉ)

ငိုၼ်းဢၼ်ႇတူၵ်းသူးမႃးႁဵတ်းပွႆးပီမႂ်ႇယဝ်ႉလႄႈလိူဝ်မႃးၸိူဝ်းၼၼ်ႉလူး ဢဝ်ၵႂႃႇႁဵတ်းသင် ပႅတ်ႈမူတ် (ဢဝ်မႃးႁဵတ်းပပ်ႉႁဵၼ်းလိၵ်ႈတႆး ႁႂ်ႈမီးသီလႄႈ သိုဝ်ႉပပ်ႉတႅမ်ႈ၊ၵမ်တႅမ်ႈ လႄႈ ယၢင်မွတ်ႇၼႆ မၼ်းတေၵႂႃႇၽိတ်းၽႂ်လႂ်)

ၵႂႃႇတူၵ်းသူးဢဝ်ငိုၼ်းပေႃႈမႄႈၶဝ်မႃးႁဵတ်းပွႆးပီမႂ်ႇယဝ်ႉ ၶိုၼ်းဢဝ်ပပ်ႉႁဵၼ်းလိၵ်ႈတႆး ဢၼ်မီးသီလႄႈ သိုဝ်ႉပပ်ႉ၊ၵမ်၊ ယၢင်မွတ်ႇ ပၼ်ၶိုၼ်းလုၵ်ႈလၢင်းၶဝ်ၼႆႉလူး…

ၶၢဝ်းယၢမ်ႈ Digital လႄႈ Technology ၵႂႃႇလႅတ်ႈဝႆး ၼႆႉလူး ၵေႃႈလိၵ်ႈလၢႆႈလႄႈၾိင်ႈငႄႈတႆးတေသိုပ်ႇၵႂႃႇလၢႆႈၵဝ်ၼႆႉၵူၺ်းယဝ်ႉႁႃႉ

လိုၼ်းသုတ်း

ၵေႃႈလိၵ်ႈလၢႆးၾိင်ႈငႄႈတႆးမီးဝႆႉတွၼ်ႈတႃႇသင်